يابحر فيني من الحزن كثر مافيك !

عدد الرسائل : 6 تاريخ التسجيل : 27/04/2008

يـا بحر فيني من الحزن كثــر مافيـك ..
من حزن وأوجاع وغيـــاب وغـــرايب !!

لاتلومني إليا شفتني دايم أجيــــــــــــك ..
ولاشفتني دايم على الشـــــــط ذايـــــــــب !!

حزني كبير أكبر من حدود شــاطيــك ..
وأقسى من جروح الزمان العطــــــــــــــايب !!

وإن كان تنشدني فـ أنا مقـــــدر أخفيـك ..
دايم اظن ويطـــلع الظــــــــــن خـــايــب !!

في هـ الزمن أقرب حبايبك يشقيـــك..
إليـــــــــن تدفع في غــــــــــــلاه الضــــرايب !!

من بعد هذا يبتعد عنك ويجفيـــــك..
ماكنــه بـ جنبك قضــــى الوقت طـــايب !!

وإلاالخوي اللي توقعت يفـــــــــــديـك ..
يفديك عمــره لاغـــــدت بك نشـــــــــايـــب !!

صد وتصدد مايبي سمــع طاريــك ..
وياما أنت دونه أتعبتك الطــــــــلايــب !!

لاتقــول لي بــدري وتـــــوك ويمديك ..
وتعال وأسمع باقي الهرج صــــــــــــــايب !!

خلك بـ حالك وأطلب الرب يهـــــــــديك ..
ولاتنشد اللي غاب ويــــن أنت غـــــــــايب !!

وإن شفتـــني غايب عن حدود شاطيك ..
أعرف تراني تحـــت ذيـــك النصــــــايــب !!

وأعرف تراني دايم إن ضقت بـ آجيك ..
لأني أنا والمـــــــوج صــــــرنا حبايب !

وســــــــــــــلامــــــــــــــــتـــــــــــكــ م

Admin عدد الرسائل : 20 تاريخ التسجيل : 25/04/2008

صح لسانك أخوي ابو نواف

Admin عدد الرسائل : 58 تاريخ التسجيل : 24/04/2008

صح بدنك اخوي ابو نواف

وتسلم على هاي القصيدة