هذه قصيده للشاعر المبدع الجميل في شعره الشاعر ياسر التويجري
في شاعر المليون في نسخته الأولى .
قصيدة ياسر التويجري في شاعر المليون
1 ولدت ساطي ومتغطرس وأحب الخصام
ولا أعترف في إدارة طبع وإلا مدير
2 أوجدت نفسي من اللاشي والانعدام
نبذت فالمجتمع لاني صريح وفقير
3ماكان تفكيري الا كيف أخطف السنام
والحمد لله خطفت اليوم كل البعير
4 إن لم يكن مركزي بالصف الاول أمام
ماعاد تفرق معي لو كنت قبل الأخير
5 الله أكبر ولله البقاء والدوام
وهو الإله الاحد وهو السميع البصير
6أخذت من مدرسة أحمد عليه السلام
مالاخذيته من مخاوى وزير وأمير
7وأخذت من تجربة عبد العزيز الأمام
وش يصنع العلم لاخاواه سيف شطير
8وأخذت من فلسفة هتلر عدم الالتزام
وكسبت نفسي وربحت القلق والضمير
9وأبشرك حالتي دايم على مايرام
من ركعتين الفجر الين بعد الأخير
10صحيح عندي تحفظ على بعض الأنام
مثل معمر وأبو مازن وتوني بلير
11لكن إنا مااحب اقلل الاحترام
واذهب ضحية طموح الغرب وانا صغير
12قومية المسلمين اللي عليها الكلام
راحت معا خالد وعمرو وعلي والزبير
13الله ولا ذل والتخوين والانهزام
ياعابدين العروش الوضع جدا خطير
14يابو خلف كيف حالك عل حالك تمام
انسى القصيدة وهات علوم اخوي الكبير
15شيخ عرفته وتقريبا لي أربع أعوام
يومني اجيه لا جاير ولا مستجير
16يشوقني له نشوق الوسم عقب الحيام
في صفرة جوها ماهو بفية هدير
17الشيخ أبو خالد محمد عداه الملام
اللي يصير من الاصرارمالايصير
18حد الثماله اعزه لاعلي الحرام
إني أحبه وحبٍ لودرابه يطير يطير
19مثل الوحش لأضف ريشه وحام
وحول على الذايره بالجو مثل المغير
20ان الملوك إذا أعطوك حب وغرام
خلوك من سائر الخدام يعني خفير
21ألا أنت ياراعي التقدير والاهتمام
ياللي رحمت الصغير وشلت هم الكسير
22اذا البلاط الأمير والكنب والرخام
له شاعر يدهله في صبح وإلا عصير
23فانادهلت الثرياوالقمر والغمام
وحولت اداهم طرف مشلحك مالي خشير
24كفرت بالناقصه والغدر والانتقام
وامنت باانك حزامي بالنهار العسير
25من لايقدر ثباتك مع عكاك الزحام
ماهوبوالله مقدر ويش معاني جرير
26يارا س عيطا يمسك البدء قبل الختام
يالنادر اللي على صيد المكارم شهير
يالمهدي المنتظر بالحاجتين الجسام
المدة المسكته والاخذ بيد الضرير
27ياسيدي ودي افهق لك ضلوع العظام
واعطيك شي بصدري وانت رجل خبير
28اناتراني أعاني نوب من انفصام
يوثر على البرمجة في راسي المستدير
29وأصير أحس إني البارود وإلا الحسام
في ساحة الشعر من تبوك لأقصى عسير
30مما يسبب لبعض أعدائي الاحتدام
اللي يحسبون قرض الشعر مثل الشعير
31والشعر وان كانه المقصودباول مقام
فالله يرحم أبو الطيب ويرحم زهير
32روح التنافس وحب الشيخ والانضمام
ماهي بتعني لدى الكثرة نهاية مصير
33والشاعر اللي معه عزوة خوال وعمام
تفداه وايل وترقب مستعدة مطير
34والله فلا ينقهروالا يضيق ويضام
الاجاء اللززوالملاقى والقبس والنذير
35وجمع الدراهم ماهي باكبر طموح الغلام
اللي جمع من قلوب الناس شي كثير
36من حبني رغم تفويتي له الانخدام
واللي كرهني فهذا شخص ملعون صير
37دام المعارك صغيره ماعلينا لزام
ينوب عن سيفي البتار اصغر جفير
38قرات فيماقراته من بلوغ المرام
اللي ترك شي لله عاضه الله بخير
وصح لسانك يا ياسرالتويجري
تقبلو تحياتي *سعودي شهم*
لى
