قالـوا علآمكـ صـامت وقلت يانـاس ...
كثـر الكلام يقــل لآجلـه مقـامي
الصمت حكمه والحكي مــصدر إفلاس ...
ولقيت في صـمـتي يزيد احترامي
الصمت له معنى وله ذوق وإحســـاس ...
مركب نجاتك في بحـور الظلامي
ترى الرجل صوره من الـراس للساس ...
ثم يتبين جوهــره بالكلامي
إما نطق في كلمة ترفــع الرأس ...
تضفي على شكله جــديـد الاسامي
وإلا يعود معدنه مـــعــدن نحاس ...
يرميه سهمه بـعــد ماكان رامي
لآ صار عندكـ من ثمـيـنات الآلماس ...
خله بـصـدركـ لين وقت التمامي
آخاف يطلعلكـ مـن الناس بلاس ...
وإلا سـفــيه ما يرد السلامي
الله خلق خلقه على عـدة آجناس ...
وكلن يسوقه مذهـبه للآمامي
والله خلق بالطير قمري وقرناس ...
ووقت الهدد ما ينغزي بالحـمـامي
لا جال في صدركـ من الهم هوجاس ...
وعينكـ يحاربهـا لذيذ المنامي
ونفسكـ عليله والفكر صار محتاس ...
آترك طمان القـاع وارق السنامي
عليكـ بالعالي ليا هب نسـناس ...
يبري الجروح الخـافيه والعظامي
وخلكـ لربـعـك دايم الدوم نـبراس ...
وخص القريب وخص ولد العــمامي
خلكـ لهم في داجي الليل مقـباس ...
ولصاحب أصدق مـن حقوق الغمــامي
ربعك ذراكـ ليا لحق راســكـ البـاس ...
قدم لهم شربكـ ولو كنت ضـامي
وخلكـ لثوب الطيب والعز لبـاس ...
واترك دروبٍ تنتهي بالحرامي
وفعل الجميل وواجب الضيف نومـاس ...
ومن لا نفع بالضـيق نفعه عدامي
بيت الكريم أبوابه بدون حـراس ...
وبيت البخيل يـعـد مثل الهدامي
كلٍ بها الدنيا نصيبه بـمقياس ...
ياخذ نصيبه لوجــفـوه الآنامي
